Puntu gutxira berriro ere

2020, Feb 24

Ohorezko Mailako partidan etxeko taldeak 24-27 galdu zuen U.E. Santboianaren aurka. Defenstsako bonusa lortu zuten hernaniarrek

Beste behin Hernani Club Rugby Elkarteak argi utzi zuen Landareko zelaian indar guztia utziko dituela partida guztietan, neurketa guztiak azken minutura arte borrokatuz. Aurreko igandean U.E. Santboiana handi bati aurpegia erakutsi zion eta baita ia garaipena eskuratu ere. Azken partidako jokoa erabat ahaztuta, bikain eutsi zioten hernaniarrek hasiera onari. Gainera, Manuren kolpe batek aurretik jarri zituen etxekoak, 3-0.

Lehen zatian gainera, joko erakusgarri bezain bizia egin zuen taldeak. Baloia erraz mugituz abiadura handia erakutsi zuten Polidoriren gizonek. Horrekin batera, 13 eta 10eko markagailuarekin joan ziren atsedenaldira. Azpimarratu behar dugu, Peru Ormazabal gazteak hasieratik jokatu zuen lehen partidan entsegua egitea lortu zuela 27. minutuan. Alde txarra berriz, partida amaitzeko 10 minutu falta zirela, kolpe gogorra jaso eta partida utzi behar izan zuela.

Bigarren zatian, joko azkarra eta dinamikoarekin jarraitu zuten baina kataluniarrek bi entsegu lortuz, aurretik jartzea lortu zuten. Hala ere, Loketi Manuk sartutako zigor kolpeei esker, gipuzkoarrak uneoro markagailuan oso gertu egon ziren. Azkenean, 80 minutuak beteta 24 eta 27ko emaitzarekin amaitu zen 16. jardunaldiko partida. Defentsako bonusarekin, Hernani CREk puntu bat lortu zuen.

Markagailua:

3-0 (Min 5): Loketi Manuren zigor kolpea (Hernani CRE)

3-3 (Min 14): Bentleyren zigor kolpea (U.E. Santboiana)

3-10 (Min 24): Ramiroren entsegua eta Bentleyren transformazioa (U.E. Santboiana)

10-10 (Min 27): Peru Ormazabalen entsegua eta Manuren transformazioa (Hernani CRE)

13-10 (Min 34): Loketi Manuren zigor kolpea (Hernani CRE)

ATSEDENALDIA

13-17 (Min 43): Millanen entsegua eta Bentleyre transformazioa (U.E. Santboiana)

16-17 (Min 54): Loketi Manuren zigor kolpea (Hernani CRE)

16-20 (Min 58): Bentleyren zigor kolpea (U.E. Santboiana)

19-20 (Min 64): Loketi Manuren zigor kolpea (Hernani CRE)

19-27 (Min 68): Ramiroren entsegua eta Bentleyren transformazioa (U.E. Santboiana)

24-27 (Min 78): Xabat Erroizenearen entsegua (Hernani CRE)

AMAIERA: 24-27

SAILKAPENA

Hernani Club Rugby Elkarteak euskararekiko duen konpromezuaren baitan eta publikatutako Landareko Hizkuntza Protokoloaren arabera, webguneko albisteak euskaraz publikatuko dira. Beste hizkuntzaren batean nahi izanez gero, itzultzaile neuronala erabil dezakezue.

0 comentarios

Azken albisteak

HCREren loteria.

HCREren loteria.

Eguberri on!! Gehienek jakingo duzuenez aurtengo gabonetako loteriaren zozketan jarritakoa itzultzea tokatu zaigu, hau da partizipazio bakoitzeko 4€. Bat baino gehiago galdetzen ari da zer egin...

Hernaniko Errugbi Elkartea Gipuzkoa Espetxean

Hernaniko Errugbi Elkartea Gipuzkoa Espetxean

Hernani Club Rugby Elkarteak (HCRE), Onura Publikoko Erakunde izanik, bere sorreratik izan du gizarteari zerbitzua emateko sena. Kirol arloan eskaini dezakeenaz gain, maila sozialean ere ateak...

Lokatzetan murgilduta, garaipena Landaren

Lokatzetan murgilduta, garaipena Landaren

Hernani Club Rugby Elkarteak bost puntu gehiago eskuratu ditu AVK Bera Bera taldea Landaren menderatu ostean, 38-3. Argazkia: KRONIKA Lehen faseko lehen bost partidak jokatuta, Hernani Club Rugby...