Hernani – Ciencias Sevilla, Urumeako Kronikan

2018, May 27

2018/05/27 Igandea

Hernani – Ciencias Sevilla, Urumeako Kronikan


Etxeko estalpean, Ohorezkoa berriro ere!
Hoberenekin lehiatuko da Hernani, beste denboraldi batez, errugbiko Ohorezko Mailako Heineken Ligan. Promozioko bueltako partiduan, Sevillako Ciencias taldeari 30-17 irabazita lortu du mantentzeko txartela. Beste behin, Landareren indarrak bultzatuta lortu du mailari eustea.

HERNANI
2018/05/27 00:00 Igandea
Ez zen bat ere erraza, baina lortu dute; Hernaniko mutilek Ohorezko Mailan jokatuko du­te hurrengo denboraldian, Se­villako Cienciasi 30-17 ira­bazi ondoren. Lau puntu baino gehiagoko aldea behar zu­en, eta 13koa atera zion atzo­ko hil ala biziko parti­du­an.

Hasieratik, burua zutik
Partidu erabakigarrian, oso ga­rrantzitsua zen puntu ba­koitza, eta hori nabarmena izan zen hasiera-hasieratik. Hernaniarrek estreinatu zu­ten markagailua, Oier Gar­mendiaren entseguarekin; pixkanaka puntuak gehitzen joan ziren trikoloreak, 22ga­rren minutura arte (10-0). Orduan, zigor kolpeari esker, Cienciasek hiru puntu es­kuratu zituen (10-3). Hala joan ziren andaluziarrak, atse­denaldira, hernaniarrek beste entsegu bat egin ondo­ren, 15-3.

Bigarren zatian indartsu atera ziren Cienciasekoak; entsegua ea transformazioa egin zuten hasi bezain azkar (15-10), tartea estutuz, baina segituan hartu zuten testigua etxekoek. Zigor kolpea has­teko (18-10), eta pare bat en­tseguren ondoren (30-10), es­kuar­tean zeukaten garai­pe­na. Dena den, aurkariak borrokatzen jarraitu zuten, eta bukaera aldera entsegua egin eta transformatu zuten, 30-17ko markagailua lortuta.

Mantentzea, ziurtatuta
Aldea zabalagoa edo estua­goa, baina Hernanik Ohorez­ko Maila izan zuen eskuetan norgehiagoka osoan zehar. Izan ere, kategorian manten­tzeko, lau puntuko aldea edo gehiagokoa behar zuen talde­ak, eta bostekoa izan zuen baxuena.

Elkarte osoa, ospakizunetan
Zaila zen atzo arratsaldean Errugbi Elkarteko kideren ba­te­­kin hitz egitea, «denok ospatzen» ari baitziren: «ira­bazi dugu; bel­durra genuen ez baitzen par­tidu erraza, [sevillarrak] oso indartsuak baitira. Baina lor­tu dugu; gure mutilen DNA plus bat da, eta zeresanik ez eto­rri den jende guztia… hi­tzik gabe gaude», adierazi du­te Her­nani Errugbi Elkar­te­tik.
Estekak:
Kronika.eus
diariovasco.com
naiz.eus
noticiasdegipuzkoa.eus
mundodeportivo.com
elcorreoweb.es
ferugby.es
rugbyalcala.wordpress.com
gipuzkoa.hitza.eus
Hernani – Ciencias, Argazkiak: Nekane Galarza
Hernani – Ciencias, argazkiak: Paco Roldan
Hernani – Ciencias Sevilla, argazkiak: Ainhoa Muriel
Hernani – Ciencias Sevilla, argazkiak: kronika.eus
Hernani – Ciencias, Argazkiak: Aitor Urkia
mundodeportivo.com Beñat Iradiren elkarrizketa

Hernani Club Rugby Elkarteak euskararekiko duen konpromezuaren baitan eta publikatutako Landareko Hizkuntza Protokoloaren arabera, webguneko albisteak euskaraz publikatuko dira. Beste hizkuntzaren batean nahi izanez gero, itzultzaile neuronala erabil dezakezue.

0 comentarios

Azken albisteak

XX. Hernaniko Garagardo Azoka

XX. Hernaniko Garagardo Azoka

Karmele Larraza eta Aitor Moriano azokako arduradunek XX. Garagardoaren azoka, Atsegindegi plazan, ekainaren 6, 7, 8 eta 9an. Programazioak hainbat jarduera ditu. Heineken garagardotegiak...