Erasoko puntuarekin ­konformatu da Hernani
39-25 galdu du Cisnerosen aurka, nahiz eta defentsako bonusa ere gertu izan. Puntu batean aldendu du promozio postua.

HERNANI
2017/12/18 00:00 Astelehena
Urtea porrotarekin amaitu zuen Hernanik, Madrilen. Cis­ne­rosen Central zelai bikainean 39-25 galdu zuen, baina gu­txienez erasoko bonusa lortu eta puntuarekin bueltatu ziren etxera. Hala ere, zapore garra­tz haundiagoa geratu zen gozoa baino, bigarren puntua ere gertu izan baitzuten, baina azkenean ihes egin zien.
Gutxienez, promozio postua puntu bat gehiagora aldendu du Polidoriren taldeak. Orain, La Vila lau puntura dago.
Partidua ezin hobeto hasi zuten hernaniarrek. Lehen mi­nutua bete aurretik Etxe­berriak lehen entsegua lortu eta 0-7 aurreratu zen Hernani. Hala ere, pozak ez zuen asko iraun: 13garren minuturako Cisne­ro­sek irauli zuen partidua (14-7). Lehen zatia 28-15 amaitu zen, eta bigarren zatian dena erabakitzeko zegoen. 28-20ra hurbildu zen Hernani, bonusa lortuz, eta garaipenarekin ere amesteko parada egon zen. Azken minutuetan saiatu ziren hernaniarrak gehiago hurbil­tzen, nahiz eta aurkariak markagailuan ihes egin azkenean.
Estekak:
noticiasdegipuzkoa.com
ferugby.es
diariovasco.com
Cisneros-Hernani, fotos:alberto.bluemelon