Bost puntu baina gehiago

Oct 18, 2021 | Berriak | 0 Comentarios

Erasoko bonnusa eta M18 taldetik igo berritako debutak Landareko itzulerako partida handian

Hernani Club Rugby Elkarteak denboraldia ondo baina hobeto hasi du Donostiako AVK Bera Bera Rugby Taldeari 50 eta 0 irabazi ondoren. Bost puntu eskuratuta, zaleen berragerpena Landareko zelaian erabat handia izan da. Berandu iritsi den arren, 2021-2022 denboraldia hasi da eta orain, hurrengo larunbatean, arratsaldeko 16:00etatik aurrera maila galdu berri duen Getxo RT talde izango da aurkaria.

Patrick Polidori entrenatzaileak gidatzen dituen mutilak lehen minututik hasi ziren jokoaren ekimena hartzen. Anartz Elosegi eta Beñat Arizetaren arteko hartu emana handia izan zen eta aurkariari min handia egin zieten bi hernaniarrek. Abiadura eta paseetan zuzentasunarekin, entsegu lerrora lau aldiz iritsi ziren lehen zatian.

Bigarren zati hasieran eta 24-0ko markagailuarekin, debuta egin zuen Jokin Olea gazteak entsegua lortu zuen Pello Perezekin batera egindako jokaldi handian. Olearekin batera, Ekaitz Arrozpide, Jon Ander Zapiain eta Iker Burugain hernaniarrek ere debuta egin zuten lehen taldearekin. Amaieran, 50 eta 0ko emaitza denboraldi hasiera honetan sentsazio honekin hasteko. Hilabete asko izan dira ligako partidarik jokatu gabe eta aurredenboraldi luzearen ondoren, liga txapelketa hasierara fresko iritsi dira trikoloreak.

MARKAGAILUA:

3-0 (Min 10): Anartz Elosegiren zigor kolpea (Hernani CRE)

10-0 (Min 16): Beñat Arizetaren entsegua eta Anartz Elosegiren jaurtiketa (HCRE)

17-0 (Min 20): Anartz Elosegiren entsegua eta jaurtiketa (Hernani CRE)

24-0 (Min 28): Mikel Imazen entsegua eta Anartz Elosegiren jaurtiketa (Hernani CRE)

ATSEDENALDIA:

31-0 (Min 44): Jokin Olearen entsegua eta Anartz Elosegiren jaurtiketa (Hernani CRE)

38-0 (Min 50): Pello Perezen entsegua eta Anartz Elosegiren jaurtiketa (Hernani CRE)

43-0 (Min 61): Jose Luciano abeciaren entsegua eta Anartz Elosegiren jaurtiketa (Hernani CRE)

50-0 (Min 74): Anartz Elosegiren entsegua eta jaurtiketa (Hernani CRE)

AMAIERA: 50-00

Partida berriro ere ikusteko esteka:

http://progressive.enetres.net/mp4Streamer.php?u=B7C8C4369F5049F1970C589683B65F43&f=dvr-d4b5dd1f-171021-114401-live1500.mp4&c=0

Hernani Club Rugby Elkarteak euskararekiko duen konpromezuaren baitan eta publikatutako Landareko Hizkuntza Protokoloaren arabera, webguneko albisteak euskaraz publikatuko dira. Beste hizkuntzaren batean nahi izanez gero, itzultzaile neuronala erabil dezakezue.

0 comentarios

Enviar un comentario

Tu dirección de correo electrónico no será publicada. Los campos obligatorios están marcados con *

Azken albisteak

Garaipen handia denboraldia hasteko

Garaipen handia denboraldia hasteko

Landare Tokira gerturatu ziren zale guztion indarrarekin 15 eta 14 irabazi zion Hernanik Getxori trikoloreen estreinekoan. 2023-2024 denboraldia 2. jardunaldian hasi du Hernani Club Rugby Elkarteak atsedenaldiaren ondoren eta emaitza aldetik ona baina hobea izan da....

Alon Automotive Hernani M23

Alon Automotive Hernani M23

Irunen kokatuta dagoen ibilgailu industrialentzat ordezko piezen eta osagarrien arloko enpresa izango da bigarren urtez jarraian M23 taldearen babesle nagusia Hernani Club Rugby Elkartea 2023-20223 denboraldia hasteko prestaketa lanetan murgilduta dago eta bigarren...

Komunikatu ofiziala: Ordizia Rugby Elkartea II

Komunikatu ofiziala: Ordizia Rugby Elkartea II

Inguruko jokalarien fitxaketei buruz ORDIZIA RUGBY ELKARTEAK kaleratutako erantzuna aztertu ondoren, ulertzen dugu talde goierritarrak ez duela inongo asmorik bere jarrera edo fitxaketa politika aldatzeko. Beraz, Hernani Club Rugby Elkartearen aurreko komunikatuan...