I. Nazioarteko Couth M18 txapelketaren lehen edizioa erabat oparoa izan da gazteen arteko errugbi ikuskizun handiarekin. Lehen garailea Aviron Bayonnais taldea izan da.
Hernani Club Rugby Elkarteak antolatuta, pasaden asteburuan jokatu zen I.Nazioarteko Couth M18 txapelketa Hernaniko Landare-Tokiko zelaietan. Iparraldeko 4 talde (Aviron Bayonnais, Biarritz Olympique, US Mouguerre eta Saint Jean de Luz Olympique), Valentziako Les Abelles eta Bartzelonako Sant Cugat aritu dira nor baino nor 18 urtez azpiko mailan Hernani CRE/Atletico taldearekin batera.
Larunbateko jardunaldia, albiste handiarekin hasi zen etxeko taldearentzat. 7 eta 5eko emaitzarekin gipuzkoarrek Biarritz Olympique talde handia garaitu zuten. Trikoloreek defentsako lan apartarekin, entsegua bat lortu eta jaurtiketa sartu ondoren garaipena eskuratu zuten. Harrobiko taldeak indartsu ekin dio denboraldiari asteburu bikaina eginez. Hala ere, lehiaketaren lehen egunean Aviron Bayonnais izan zen jaun eta jabe bi partidak nagusitasun handiz irabaziz, lehena 45-0 eta eguerdikoa 45-7.
Igandean, berriz, multzo bakoitzeko azken bi jardunaldiak jokatu ondoren, Biarritz eta Baionak lortu zuten eguerdiko final handirako txartela. Hernanik, taldeko 3. postua lortuta Les Abelles taldea izan zuen azken partidako aurkari. 14na berdindu bazuten ere, entsegu kopuru handiagoak utzi zuen aurretik Hernani sailkapen orokorrean. Final handian ere, araututako denbora berdinketarekin amaitu zen. Bi taldeek bi entsegu lortuz, makiletarako jaurtiketekin erabaki zen lehen txapelketa, TOP 14ko promozio partidan bezala. Azkenean, laugarren jaurtiketa huts egin ondoren Baionarrak izan ziren garaile.
Partida guztiak amaituta, hona hemen lehen edizioko sailkapen ofiziala:
| SAILKAPENA | |
| 1. | AVIRON BAYONNAIS |
| 2. | BIARRITZ OLYMPIQUE PAYS BASQUE |
| 3. | SAINT JEAN DE LUZ OLYMPIQUE |
| 4. | US MOUGUERRE |
| 5. | HERNATSS |
| 6. | SANT CUGAT |
| 7. | LES ABELLES |
| 8. | XV EL VALLÉS |
Asteburuko argazki guztiak:
0 comentarios