Garaipenetik gertuago

Nov 4, 2019 | Berriak | 0 Comentarios

Argazkia: Pepe Ibáñez (Veintidós, desde la línea de 22)

Lehen taldeak itxura aparta eman zuen Alcobendasen zelaian baina sailkapeneko hirugarren taldearen aurka ezin izan zuen denboraldiko lehen garaipena lortu.

Hernani CRE-Atletico SS taldeak itxura aldatu eta azken minutura arte aritu zen garaipena lortzeko borrokan Alcobendas talde indartsuaren aurkako partidan. Punturik gabe bueltatu baziren ere, jokoari dagokionez pausu ederra eman zuten aurrera hernaniarrek. Gainera, Tomas Lapeyre jokalari frantsesaren debuta azpimarratu behar dugu.

Defentsan bikain mantentzea ez zen nahikoa izan Las Terrazas zelaian puntuak pilatzeko. 19-20ko emaitzarekin joan baziren atsedenaldira, etenaldiaren ostean emandako erraztasunek apurtu zuten partida momentu batez. Hala ere, bigarren zatiaren erdialdean taldea berriro ere bikain aritu zen eta azken minutura arte egon zen defesntsako bonusaren borrokan.

Partida amaitzeko bost minuturen faltan, Hernaniko taldearen aldeko antsegu batekin arazoak egon ondoren, epaileak ez zuen jokaldia kanpokoen alde ikusi eta puntuei dagokionez hutsean itzuli ziren gipuzkoarrak Alcobendasetik.

80 minutuen amaieran, 36 eta 25eko emaitzak denboraldiko zazpigarren porrota ekarri zuen eta bigarren astez jarraian azken postua. Hala ere, UBU-Colina Clinic taldearen porrotak sailkapeneko aldeak mantentzen ditu azken postuetan.

Hernani Club Rugby Elkarteak euskararekiko duen konpromezuaren baitan eta publikatutako Landareko Hizkuntza Protokoloaren arabera, webguneko albisteak euskaraz publikatuko dira. Beste hizkuntzaren batean nahi izanez gero, itzultzaile neuronala erabil dezakezue.

0 comentarios

Enviar un comentario

Tu dirección de correo electrónico no será publicada. Los campos obligatorios están marcados con *

Azken albisteak

Garaipen handia denboraldia hasteko

Garaipen handia denboraldia hasteko

Landare Tokira gerturatu ziren zale guztion indarrarekin 15 eta 14 irabazi zion Hernanik Getxori trikoloreen estreinekoan. 2023-2024 denboraldia 2. jardunaldian hasi du Hernani Club Rugby Elkarteak atsedenaldiaren ondoren eta emaitza aldetik ona baina hobea izan da....

Alon Automotive Hernani M23

Alon Automotive Hernani M23

Irunen kokatuta dagoen ibilgailu industrialentzat ordezko piezen eta osagarrien arloko enpresa izango da bigarren urtez jarraian M23 taldearen babesle nagusia Hernani Club Rugby Elkartea 2023-20223 denboraldia hasteko prestaketa lanetan murgilduta dago eta bigarren...

Komunikatu ofiziala: Ordizia Rugby Elkartea II

Komunikatu ofiziala: Ordizia Rugby Elkartea II

Inguruko jokalarien fitxaketei buruz ORDIZIA RUGBY ELKARTEAK kaleratutako erantzuna aztertu ondoren, ulertzen dugu talde goierritarrak ez duela inongo asmorik bere jarrera edo fitxaketa politika aldatzeko. Beraz, Hernani Club Rugby Elkartearen aurreko komunikatuan...