El Salvador eta Hernani CRE taldeen arteko topaketa antolatu dute larunbatean Fuente de La Mora zelaietan, Valladoliden.

Asteburu honetan, larunbatean zehazki, Hernani CREko talde inklusiboa Valladolidera egingo du bidaia, El Salvador taldearekin batera jardunaldi eder baten parte hartzeko. Fuente de La Mora zelaia izango da topaketaren ardatza eta larunbatean goizeko 10:00etan hasiko da festa.

Hasteko, bi taldeen aurkezpenak egingo dituzte goizeko 10:00etan. Ondoren, goizeko 11:00etan lagunarteko partida jokatuko dute El Salvador eta Hernani CRE taldeek. Gainera, bi taldeetako jokalariak nahastuta egongo dira harremanak estutzeko eta jokalarien arteko ezagutzak indartzeko helburuarekin. Azkenik, jardunaldiarekin amaitzeko hirugarren denborarekin disfrutatzeko aukera izango dute parte hartzaileek.