Ordizia RE-Hernani CRE, Urumeako Kronikan

2018, Dic 3

2018/12/03 Astelehena

Ordizia RE-Hernani CRE, Urumeako Kronikan

kronika.eus
Ordiziaren indarrarekin ezin, trikoloreek
Goierritarrak nagusitu ziren Altamirako derbian (36-10), eta punturik ezin izan zuen ekarri Hernanik. Partidu beroan, Ordiziak izan zuen baloiaren jabetza; trikoloreek ez zituzten aukerak gauzatu.

ALBUMA: Iñigo Arizkorretaren argazkiak

HERNANI
2018/12/03 00:00 Astelehena
Ordizia zen faborito kiniele­tan, eta zelaian ere erakutsi zuten bere indarra goierri­ta­rrek, atzo, Altamirako derbian. Lehiatu bai, gogotik lehiatu zuen Hernanik, baina auke­ra­rik ez zuen izan, garaipena etxe­ra ekartzeko. 36-10 nagu­si­tu zen Ordizia azkenean, bu­kaeran trikoloreek marka­gai­lua txukunduta.
Ausart hasi zuen partidua Hernanik, beldurrik gabe era­sora jota, baina berehala har­tu zuen baloiaren jabetza Ordi­ziak, eta ez zuen askatu, au­rre­neko ordu erdian. Tarte horre­tan, Julen Goiaren jokaldi eder batek aurreratu zituen goierri­tarrak (7-0). Eta Hernani arnas pixka bat hartzen hasi zenean, Ordiziaren 22 metroko marra gaindituta, baloia galdu eta kon­­­traerasoan zigor kolpe bat eskaini zieten berriro (10-0). Hortik atsedenera izan zituz­ten unerik gozoenak trikoloreek, indartsu eta baloia ondo mu­gi­­tuz, marratik gertu. Baina ezin izan zituzten aukerak apro­be­txa­tu, eta 10-0 bukatu zen au­rreneko zati beroa, liskar eta eztabaida asko izan zituena.
Atsedenaldiarekin itzali zi­ren liskarrak, baina baita her­naniarren indarra ere, pixka bat: hasi eta berehala lortu zuen bigarren entsaioa Ordi­ziak, eta baita hirugarrena ere, Go­ia­­ren beste jokaldi eder bate­kin. Beste bi ere egin zi­tuz­ten etxe­koek, erasoko bo­nu­sa lortuz.
Hernaniarrek, berriz, pun­turik ez, baina egindako lana­ren kontsolazioa jaso zuten azken minutuetan, Peru Or­ma­zabal eta Charlie Terni­sie­nen entsaio banarekin (36-10).
Estekak:
kronika.eus
eitb.eus
Ordizia-Hernani, argazkiak:Iñigo Arrizkorreta
Ordizia-Hernani,argazkiak: Ainhoa Muriel
Ordizia-Hernani, argazkiak: Ina Olaizola
ferugby.es
diariovasco.com


Hernani Club Rugby Elkarteak euskararekiko duen konpromezuaren baitan eta publikatutako Landareko Hizkuntza Protokoloaren arabera, webguneko albisteak euskaraz publikatuko dira. Beste hizkuntzaren batean nahi izanez gero, itzultzaile neuronala erabil dezakezue.

0 comentarios

Azken albisteak

HCRE lehendakaritzarako hauteskundeak.

HCRE lehendakaritzarako hauteskundeak.

Klubaren Batzarkide estimatua : Klubaren Zuzendaritza Batzordearen Lehendakaritza Arduraren izenean zera adierazten dizut; egun diharduen Estatuko Araudiaren hildotik, aurten urte olinpikoa...

Hernaniko Errugbi Elkartea Gipuzkoa Espetxean

Hernaniko Errugbi Elkartea Gipuzkoa Espetxean

Hernani Club Rugby Elkarteak (HCRE), Onura Publikoko Erakunde izanik, bere sorreratik izan du gizarteari zerbitzua emateko sena. Kirol arloan eskaini dezakeenaz gain, maila sozialean ere ateak...