Hernani – Alcobendas, Urumeako Kronikan

2018, Feb 26

2018/02/26 Astelehena

Hernani – Alcobendas, Urumeako Kronikan

Esku hutsik, partidu zailean
Galdu egin zuen Hernanik, Alcobendasen kontra (5-34), bigarren zatira bizirik iritsi arren. Gainera, min hartuta bukatu zuten zenbait trikolorek.

HERNANI
2018/02/26 00:00 Astelehena
Dena emanda ere, ez zuen nahikoa izan atzo Hernanik, punturen bat lortzeko. Maila haundiko taldea da Alcobendas, eta atzo erakutsi zuen, bere jokaldiak aprobetxatuz, zelaian erakutsi zuena baino garaipen erosoagoa lortzeko (5-34).

Azkar aurreratu zen talde madrildarra, entsaio batekin eta zigor kolpe batekin (0-8), baina berehala gerturatu zen Hernani, Mikel Perezen entsaioari esker (5-8). Alcobendasek bigarrena lortu zuen, ordea, justu atsedenaren aurretik, baina bizirik iritsi zen Herna- ni, bigarren zatira.

Baina berehala jaso zuen kolpea atsedenetik bueltan, beste entsaio batekin (5-20), eta asko konplikatu zitzaien partidua. Minutu gutxira, dena den, Alcobendaseko jokalari bat kanporatu zuen epaileak, eta horrek partidua berotu zuen. Jokalari bat gehiagorekin, bere 22koan mantendu zuen Hernanik Alcobendas, baina toucheetan eta eskuko jokoan akatsak eginda, ezin izan zuen markagailuan gerturatu; are gehiago, Alcobendasek bere aukerak aprobetxatu zituen, partidua erabat hautsita zegoela, bi entsaio gehiago egiteko (5-34).

Atzokoan, gainera, emaitza bakarrik ez, lesioak ere izan ziren albiste txarra. Zenbait trikolorek bukatu zuten partidua min hartuta.

Estekak:
kronika.eus
alcobendasrugby.com
rugbyspain.com
diariovasco.com
naiz.eus
noticiasdegipuzkoa.com
Hernani-Alcobendas. Argazkiak: Ainhoa Muriel
Hernani-Alcobendas. Argazkiak: Nekane Galarza


Hernani Club Rugby Elkarteak euskararekiko duen konpromezuaren baitan eta publikatutako Landareko Hizkuntza Protokoloaren arabera, webguneko albisteak euskaraz publikatuko dira. Beste hizkuntzaren batean nahi izanez gero, itzultzaile neuronala erabil dezakezue.

0 comentarios

Azken albisteak

Hernaniko VII. Errugbi Inklusibo Txapelketa

Hernaniko VII. Errugbi Inklusibo Txapelketa

Errugbian berdinak gara Hernaniko VII. Errugbi Inklusibo Txapelketa Hernani Club Rugby Elkarteak VII. Inklusibo Txapelketa antolatu du datorren ekainaren 8rako. Azken edizioetako aurreko egiturari...

XX. Hernaniko Garagardo Azoka

XX. Hernaniko Garagardo Azoka

Karmele Larraza eta Aitor Moriano azokako arduradunek XX. Garagardoaren azoka, Atsegindegi plazan, ekainaren 6, 7, 8 eta 9an. Programazioak hainbat jarduera ditu. Heineken garagardotegiak...