2017/11/13 Astelehena
El Salvador – Hernani, Urumeako Kronikan
-
Esku hutsik, baina indartuta, etxera buelta
-
49-7 galdu zuten hernaniarrek Valladoliden, Liga irabazteko faborito den El Salvadorren kontra.
-
HERNANI2017/11/12 00:00 Igandea
-
Sorpresarik gabe, hernaniarrek ezin izan zuten atzo kontrario zailenetako baten kontra, El Salvadorren aurka, alegia. 49-7 galdu zuten atzo Pepe Rojo zelaian.
Entsegua eta transformazioa, aurreneko zatian
Bazekiten ez zutela bat ere erraza izango, hala ere, borrokatzera atera ziren, betiko gogo eta ilusioarekin, eta, behintzat, izan zuten entsegu bat egiteko aukera. Partidua hasi eta orduerdira izan zen hori, Valladolideko jokalarien erritmo azkarrera egokitu ziren hernaniarrak, eta itxuraz, erraz lortu zuen Iraitz Garmendiak entsegua egitea. Eta ondoren, tranformatu egin zuen Anartz Elosegik.
Ordurako, ordea, El Salvadorrek aurrea hartua zeukan (21-7), eta horrek, asko zaildu zuen trikoloreen lana.
Atsedenalditik bueltan, ildo beretik jarraitu zuten kontrarioek, eta beste lau entsegu eta transformazio egitea lortu zuten (49-7).Astebeteko atsedenaren ondoren, Santboianaren kontra jokatuko dute, hurrengoan.
Atsedena, astebetez
Porrotak ezin ditu kikildu, eta indarrak berreskuratzeari ekingo diote aste honetan, izan ere, asteburu honetan ez da partidurik izango. Santboiana hartuko dute, hurrengoan.
Estekak:
Urumeako Kronika
El Salvador-Hernani , argazkiak:Manuel Ángel González
Bideoa: Radio Televisión de Castilla y León
ferugby.es/
elnortedecastilla.es
noticiascyl.com
vallanoticias.com
eldiadevalladolid.com
valladoliddeporte.es
0 comentarios