kronika.eus
Bost puntukoa izan zen bultzada Landaren!
Garaipena eta erasoko bonusa lortu zituen Hernanik atzo, La Vilaren kontra (36-26).
HERNANI
2017/10/09 00:00 Astelehena
Kapitainak, bueltatzearekin batera, garaipenaren norabide zuzenean jarri balitu bezala, partidu ona jokatu zuten atzo trikoloreek, irabazi beharrekoa zen lehia batean. Eta baita irabazi ere: 36-26 nagusitu ziren La Vilaren kontra, erasoko bonusarekin. Bost puntu Landaren, 10garren postura igotzeko.
Genuak eta Etxeberriak, bina entsaio
Berehala utzi zuen garbi Igor Genuak, bueltan zela, denboraldiko bere aurreneko partiduan. 13 minutu besterik ez ziren pasa, aurreneko entsaioa lortu zuenean. Eta bikain pasa zuen Anartz Elosegik; ederki aritu zen hernaniar gaztea ostikoetan, atzokoan, bost transformaziotik lau lortuta, eta baita zigor kolpe bat ere.
Azkar erantzun zuen La Vilak, beste entsaio batekin (7-7), baina hamar punturen aldea lortu zuen Hernanik atsedenaldirako (17-7). Igor Etxeberriarena izan zen bigarren entsaio hori, ezkerreko bandatik atera eta maul eder bati jarraipena emanda. Oso antzeko jokaldian lortuko zuen hirugarrena, Etxeberriak berak, atsedenetik bueltan; eta ia mekanika berarekin, laugarrena ere bai Mikel Perezek (29-17). La Vilaren bigarrenari, Genuak erantzun zion (36-14), hamar minutu pasatxo falta zirenean, baloia lapurtu eta zelaia korrika zeharkatu ondoren.
Hortik aurrera, jokaldi nahasi bat aprobetxatu zuen La Vilak, gerturatzeko. Bukaerako minutuak kanpokoen zelaian jokatzea lortu zuen Hernanik, nahiz eta azkeneko saiakera batekin, laugarren entsaioa eta erasoko bonusa lortu Alicanteko taldeak (36-16).
Estekak:
kronika.eus
diariovasco.com
ferugby.es
alicanteplaza.es
diarioinformacion.com
elperiodic.com/villajoyosa
noticiasdegipuzkoa.com
Hernani-La Vila argazkiak: Nekane Galarza
0 comentarios