Azterketa baten arabera, gaur egun bideragarria izango litzateke beste eremu batzuk kaltetu gabe Urumea ibai hertzean harresia sortzea

Hernaniko Udalaren, CD Hernaniren eta Hernani Club Rugby Elkartearen arteko lankidetzaren ondoren, eguerdian aurkeztu da Zubipe eta Landare inguruko uholdeei irtenbidea emateko proiektua. Bertan, bi zelaiak inguratzen dituen 600 metro luzeko eta 8 metroko altuerako harresia sortzea proposatzen da egoera honi behin betiko irtenbidea emateko. Orain, proiektua URA Agentzian erregistratuko da eta hilabete batzuen ondoren izango da ebazpena.
Hernani Club Rugby Elkarteak Hernaniko Udalari eskerrak eman nahi dizkio pasaden martxoaren 22an sinatutako hitzarmenaren ondoren egindako azterketa eta proiektua lantzeko erakutsitako interesagatik.
Gainera, Hernani Club Rugby Elkarteak URA Agentziak irtenbide adostu honetan parte hartzea espero du aurkeztutako proiektua aurrera eramateko. Hori horrela, Udal Gobernuarekin zein oposizioko taldeekin elkarlana ere eskertu nahi du klubak, hori baita egoera honi irtenbidea emateko bidea.