KYB Hernani M16 taldeak Sant Boi de Llobregateko Baldiri Aleu zelaian estatuko txapelketa jokatu du asteburu honetan. Emaitzak lagun izan ez badira ere, talde gipuzkoarrak aurpegia eman du estatuko harrobi onenen aurka. Horrela, jokatutako azken partidan, txapeldun izan zen Kreab Alcobendas Rugby taldea estu hartu zuten hasiera hasieratik.

Asteburu betea izan dute hernaniko gazteek Sant Boi de Llobregaten. Hiru partida zail jokatu dituzte CAU Valencia, Sant Cugat eta Kreab Alcobendasen aurka urrenez urren. Hiruretan aurpegia eman dute eta baita ere HCRE harrobiak dituen puntu sendoak erakutsi ere. Valentziarren aurkako lehen partidan, azken minutuetan egin zien ihes garaipenak eta horrek lanak zaildu zituen larunbat arratsean jokatutako partidan.

Hala ere, deskantsoa artu ondoren, igandean KYB Hernani taldearen arma nagusiak ikusi ziren berriro ere berdegunean. Baloiaren jabetzarekin eta faseka jokatuz, trikoloreena izan zen jokoaren ekimena. Horrela, jokaldi azkar batean Hernanik entsegua lortu eta txapeldunari zuen guztia ateratzea behartu zion. Orain, gazteak Euskal Ligan zentratuko dira eta bertan duten bolada onari jarraipena ematen saiatuko dira. Gogoratu, orain arte jokatutako partida guztiak irabaziak dituztela eta lidertzan direla.

Txapelketako emaitzak:

CAU Valencia vs KYB HERNANI (12-10)

KYB HERNANI vs Sant Cugat (00-36)

KYB HERNANI vs Kreab Alcobendas (07-19)

Asteburuko argazki guztiak eta jokatutako hiru partiden bideoa hurrengo esteketan dituzue ikusgai: 

https://photos.app.goo.gl/vnvLGtKoTsbsgUK78