Hernani-Independinte, Urumeako Kronikan

2017, Nov 6

2017/11/06 Astelehena

Hernani-Independinte, Urumeako Kronikan

Jon Ander Puertasek lortu zuen, hernaniarren hirugarren entsaioa.

  • Jokalariak eta zaleak bat direnean…

  • Partidu haundia jokatu zuen Hernanik atzo, eta azkeneko jokaldian egin zuen entsaioa, bigarren garaipena lortzeko, Independienteren kontra (31-29). Erasoko bonusa ere lortu zuten trikoloreek.

  •  
    HERNANI
    2017/11/06 00:00 Astelehena
  • Erabatekoa izan zen jokala­rien eta zaleen arteko batasu­na atzo, Landaren. Bereziki, luzaroan gogoratzeko moduko azkeneko jokaldi batean.
    Partidua bideratuta eduki ondoren, bi entsaio jaso eta atzetik zen markagailuan Her­nani, 80garren minutua iga­rota dagoeneko. Baina ez zu­ten amore eman, ez jokalariek eta ezta zaleek ere. Eta seku­lakoa izan zen batzuen eta besteen bultzada, pazientziaz, kemenez, segi eta segi, fase bat bestearen atzetik, marra gainditu eta entsaioa lortu zu­ten arte. 29nako berdinketa zen hori, eta Anartz Elosegik ez zuen huts egingo trans­for­mazio erraza, partidu osoan zehar kolpeetan zoragarri ari­tu ondoren. 
    31-29 nagusitu zen Her­na­ni, Santanderreko Indepen­dien­te­ren kontra, eta erasoko bonusa ere lortu zuen, laugarrena bai­tzen bukaerako entsaio hori.

    Independienteren kolpeei buelta, atsedenaren aurretik eta ondoren
    Ez zen erraza izan hasiera, lokatzak eta putzuek gober­na­tutako zelaian, eta kanta­bria­rrak aurreratu ziren marka­gailuan, ezker hegaletik oso antzeko bi entsaio lortuta, eta zigor kolpe batekin (0-15).
    Baina nagusitasuna ez zen argia zelaian, eta are gehiago, Hernani hasi zen kontrola hartzen, atsedenera gerturatu bezala. Kontrol hori marka­gai­­lura ere eramatea lortu zuen, eta entsaio bat egin zuen, maul bati esker, atsedenaldira gertuago iristeko (7-15).
    Nagusitasun hori haunditu egin zuten trikoloreek, biga­rren zatia hastearekin. Aurrena, Igor Genuak lortu zuen entsa­ioa, zigor kolpea gero Elosegik, eta beste entsaio bat Jon Ander Pu­er­tasek (24-15). Transfor­ma­zio guztiak pasa zituen Elo­se­gik.
    Orduan, Hernani ondoen zegoenean, jaso zituen Inde­pen­­dieteren bi entsaioak; ga­rai­pe­nak, merezitako sariak, ihes egingo zuelako ustea zabaldu zutenak. Baina atzo, zaleen eta jokalarien bultzadak eta bata­su­nak, usteak usteldu zituen.

Estekak:
naiz.eus
kronika.eus
independienterugbyclub.com
eldiariomontanes.es
mundodeportivo.com
revista22.es
diariovasco.com/
ferugby.es
Hernani-Independiente, argazkiak: Nekane Galarza
2017-11-05 Fotografía Paco Roldán RUGBY H.A 31-29 I. Santander

Hernani Club Rugby Elkarteak euskararekiko duen konpromezuaren baitan eta publikatutako Landareko Hizkuntza Protokoloaren arabera, webguneko albisteak euskaraz publikatuko dira. Beste hizkuntzaren batean nahi izanez gero, itzultzaile neuronala erabil dezakezue.

0 comentarios

Azken albisteak

HCRE lehendakaritzarako hauteskundeak.

HCRE lehendakaritzarako hauteskundeak.

Klubaren Batzarkide estimatua : Klubaren Zuzendaritza Batzordearen Lehendakaritza Arduraren izenean zera adierazten dizut; egun diharduen Estatuko Araudiaren hildotik, aurten urte olinpikoa...

HCREren loteria.

HCREren loteria.

Eguberri on!! Gehienek jakingo duzuenez aurtengo gabonetako loteriaren zozketan jarritakoa itzultzea tokatu zaigu, hau da partizipazio bakoitzeko 4€. Bat baino gehiago galdetzen ari da zer egin...

Hernaniko Errugbi Elkartea Gipuzkoa Espetxean

Hernaniko Errugbi Elkartea Gipuzkoa Espetxean

Hernani Club Rugby Elkarteak (HCRE), Onura Publikoko Erakunde izanik, bere sorreratik izan du gizarteari zerbitzua emateko sena. Kirol arloan eskaini dezakeenaz gain, maila sozialean ere ateak...