Denboraldi ezohiko honen hasiera aurrera doan honetan, egutegiko atseden astea aprobetxatuko du Hernani Club Rugby Elkarteak lehen jardunaldiko atzeratutako partida berreskuratzeko. Igandean, igo berria den Club Rugby Ferrol taldea izango da Landaren, eguerdiko 12:00etan jokatuko den partidan. Etxeko taldeak orain arte jokoan zeuden puntu eta garaipen guztiak eskuratu ditu eta helburuak betetzen jarraitzeko, beste horrenbeste egin nahi dute igandean. La Unica, Eibar RT eta Gaztedi RT izan dira orain arteko aurkariak eta lortutako 15 puntu horiei esker, bigarren sailkatua da Hernani CRE.
CR Ferrol bestalde, igo berria den taldea da eta 3 partida jokatuta 6. postuan daude galiziarrak. Uribealdea eta Eibarren aurkako garipenek arnasa hartzeko aukera eman die baina duela bi aste Euskal Herrira egin zuten bisitan berriz, emaitza gogorra lortu zuten Uni Bilboren aurka erraz galdu ondoren. Igandean ere ez dituzte lan errazak izango, hernaniko taldea konfiantzaz lepo dago eta errugbian dituzten trebetasunak erakusten jarraitzeko asmoa dute.
Gazteentzako aproposa den urte honetan, Patrick Polidori entrenatzaileak aurreko asteetako deialdi berdintsua errepikatu du. Hona hemen iganderako deituta dauden jokalarien zerrenda:
- ENEKO NORIEGA
- UGAITZ OTAÑO
- BEÑAT IRADI
- ADRIAN SANCHEZ
- XABIER LUKAS
- ASIER ARRONATEGI
- XABIER GARMENDIA
- IÑAKI OTAEGI
- EKAIN PERERA
- KEPA MIJANGOS
- DAVID PELAZ
- MIKEL PEREZ
- PELLO PEREZ
- MARTXEL ARAMENDI
- ENEKO GARCIA
- FRANCO DI FILIPPO
- MATTIN COLLADO
- IGOR ETXEBERRIA
- SANTI MUÑOZ
- MIKEL BIDEGARAY
- OIER LASKURAIN
- GORKA DEL VALLE
- ANARTZ ELOSEGI
PARTIDA ZUZENEAN IKUSTEKO ESKETA: hernanirugby.eus/eu/zuzenean
0 comentarios