Aste luzea izan da Hernanin, baina heldu da momentua. Hernani CREko lehen taldeak gaur arratsaldean ekingo dio Marilerako bideari Ohorezko Mailara bueltatzeko helburuarekin. Aste osoan zehar aldaketa asko egon dira jokatzeko hiriaren inguruan, zelaiaren inguruan, ordutegiaren inguruan, baina denboraldi gogor eta ezohiko honetan sarritan ikusiko dugun egoera izango dela antzeman dezakegu.
Partida erabakiorra bihar igandea jokatuko da, UAX Alfontso X Unibertsitateko zelaietan, Villanueva de la Cañadan arratsaldeko 14:00etatik aurrera. Jokalariak ilusioz gainezka hartu dute gorengo mailara bueltatzeko erronka, eta biharko partidan bultzatzeko indarrak ez dituzte faltako. Azken partida ofiziala HCREko lehen taldeak pasaden martxoaren 1ean jokatu zuen Burgosen eta hilabeteen prestakuntzaren ondoren, lehiaketari ekiteko ordua iritsi da.
Nola ez Hernani Club Rugby Elkarteko zale guztiak presente izango ditugu asteburu osoan zehar. Partida zalerik gabe jokatu beharko dugu ateak itxita, baina horrelako momentuetan eskaintzen diguzuen indarra presente izango da zelaian.
Hona hemen biharko partidarako deialdia:
- Einar Arratibel
- Eneko Noriega
- Xabat Erroizenea
- Ugaitz Otaño
- Beñat Iradi
- Asier Arronategui
- Xabier Garmendia
- Jose Luciano Abecia
- Kepa Mijangos
- David Pelaz
- Iñaki Otaegi
- Mikel Perez
- Ekain Perera
- Martxel Aramendi
- Franco Di Filippo
- Santi Muñoz
- Peio Perez
- Anartz Elosegi
- Igor Etxeberria
- Mattin Collado
- Gorka Del Valle
- Mikel Bidegaray
- Beñat Ariceta
Azkenenik, biharko partida zuzenean jarraitzeko esteka hurrengoa izango da. Madrilgo Complutense Cisneros taldeari eskerrak eman nahi dizkiogu zuzeneko emankizuna egiteko eskaini diguten laguntzagatik.
0 comentarios