Bi hernaniarrak M18ko zazpiko Espainiako Selekzioarekin ariko dira Polonian jokatuko den Europako txapelketan.

Valladoliden M18 Espainiako XV Selekzioarekin egon ondoren, Manex Arizeta eta Ekaitz Arrozpidek uztailaren 9tik 16ra Madrilen egongo dira Europako Errugbi Zazpi txapelketa prestatzeko konzentratuta. Europe Boys U18 7s Championshipa uztailaren 17 eta 18an jokatuko da Gdansken, Polonian eta bertan egoteko hautatuak izan dira bi hernaniarrak. Gainontzeko herrialdeak hauek izango dira: Frantzia, Portugal, Alemania, Errusia, Belgika, Polonia, Errumania, Lituania, Txekiar Errepublika eta Espainia.

Esan bezala, aste hau Madrilen emango dute Gorka Bueno hautatzailearen aginduetara eta txapelketaren bezperan bidaiatuko dute Poloniara. Ia bi urte eman du geldirik 18 urtez azpitko errugbi 7ko selekzioa eta orain itxura ona ematen saiatuko dira Europako txapelketan.