Hernani – Ordizia, Urumeako Kronikan


Zelaian eta harmailetan estututa ere, galdu
Jokoan ezer ez bazuen ere, Hernani ez da sekula amore emateko prest egoten. Ordizia gogotsu estutzen saiatu zen atzo Anoetan, baina 12 eta 39 galdu zuen. Gaur, Perlan izango dira, indartzen.

HERNANI
2018/04/16 00:00 Astelehena
Aste honetan Landare ur az­pi­an geratu bada ere, horrek ez ditu zaleen animoak eta jo­ka­la­rien indarrak ito. Atzo, Or­di­zi­aren kontrako derbia Ano­e­ta­ko miniestadioan jo­ka­tu behar izan zuen Hernanik. Estutzen saiatu arren, ordea, Ordizia gehiago izan zen; 12 eta 39.

Indarrak galtzen
Partidua hasterako, zalez be­te­ta zeuden harmailak, Anoe­tan. Ordiziakoak ez ziren gu­txi, baina ezta Hernanikoak ere.

Indar hori baliatuta, azkar iritsi zen partiduko aurreneko en­tsegua. Ordiziarentzat izan zen. Baina berehala erantzun zu­en Hernanik; 13garren mi­n­u­tu­an berdinketa lortu zuen Jon An­der Puertasek. Atsede­nal­dia­ren aurretik, ordea, bes­te en­ts­e­gu bat, eta hura trans­formatzea lor­tu zuen Ordiziak (5-12), eta, se­gi­dan, ikara­ga­rrizko laster­ke­ta egin on­do­ren, marra pasatzea lortu zuen Hernaniko Oier Gar­men­di­ak; baina epaileak ba­lio­ga­betu egin zuen, eta txar­tel ho­ria atera, ba­loia ukitu zuelako, Ordiziak ate­ra zuenean.

Atsedenalditik bueltan, bizi hasi zen Ordizia, eta eta 58ga­rren minuturako, bi entsegu eta transformazio bat lortuta zegoen; txartel horiren bat tarteko. Amore eman gabe es­tutzen segi zuen Hernanik, eta Luke Courzaten entsegua eta Anartz Elosegiren transfor­ma­zio­arekin, 12-24 jarri zuen mar­kagailua. Indarrak ahuldu zitzaizkion pixkanaka, ordea, eta gainerako puntuak Ordi­ziak bildu zituen; 12-39.

Errekuperazioa, Perlan
Hurrengo erronketan jarria dauka burua orain, Hernanik: jaitsiera saihesteko play offa eta Europako Sevens Txa­pel­ke­ta. Perlako itsas uretan hasiko du gaur, errekuperazioa.
Estekak
Fotos Hernani-Ordizia en diariovasco.com
diariovasco.com
mundodeportivo.com
revista22.es
ferugby.es
naiz.eus/
kronika.eus
noticiasdegipuzkoa.eus

Hernani-Ordicia, fotos: Ainhoa Murial
Hernani-Ordizia, fotos: Nekane Galarza
Hernani-Ordizia, fotos: Iñaki Madrazo